المكونات: (نص كيلو لحمة مسلوقة - كوبايتين رز أبيض منقوع ومغسول ومصفي من المية - 3 ترغفة عيش بلدي - 5 معالق كبار سمنة - 10 فصوص توم مفروم - كوبايتين عصير طماطم - 3 كوبايات شوربة لحمة - 3 معالق كبار زيت - ربع كوباية خل - ملح وفلفل حسب الرغبة)
الطريقة:
1- حمّري ربع كمية التوم مع نص معلقة سمنة أميرة في حلة على النار وبعدين ضيفي الطماطم مع الملح والفلفل وسيبيهم يتسبّكوا.
2- شوّحي الرز في الزيت من غير ما يتغير لونه وبعدين ضيفي كوبايتين شوربة مع الملح والفلفل وسيبيه يستوي.
3- حطّي العيش في صينية وادهني وشه بمعلقتين سمنة أميرة ودخّليه الفرن لحد ما لونه يحمّر.
4- حمّري الربع التاني من كمية التوم مع نص معلقة سمنة أميرة وضيفي عليه نص كمية الخل وبعدين كوباية ونص شوربة مع الملح والفلفل وسيبي الخليط على النار لحد ما يغلي.
5- حطّي العيش في طبق فخار أو صينية عميقة وصبّي عليه خليط التوم وسيبي العيش يشرب الخليط.
6- حمّري باقي كمية التوم بمعلقة سمنة أميرة وبعدين حطّي باقي كمية الخل ونص كوباية الشوربة، والخليط ده هنصبه على وش الفتة.
7- ضيفي الرز فوق العيش ووزّعيه وبعدين حطّي صلصة الطماطم وفوقيهم خليط التوم.
8- حمّري اللحمة ببقية كمية السمنة ورشّي عليها ملح وفلفل وحطّيها على الفتة.
كل سنة وانتوا طيبين
