السلام عليكم ورحمة الله
*******************
معظمنا سمع مصطلح (قرحة الرحم)وبالنسبه لكتير دى حاجه تخوف
وسمعنا برده عن الكى واللفظ ده بالذات بيخلينا نخاف اكتر مع اننا
سهل نقى نفسا منها وسهل برده نكتشفها فى الاول وبالتالى
سرعة العلاج والاستجابه له
**************************
فى الموضوع ده يا بنات هديكم نبذه عن القرحه واسبابها
واذاى نتجنبها بحيث نفهم الدنيا اكتر
*فى اخر المهبل من فوق جزء دائرى وفيه فتحه صغيره
بيؤدى فى الاخر لتجويف الرحم وده اسمه عنق الرحم
واحب اشير لحاجه هنحتاجها فى اخر الموضوع ان عند الجماع
لحظة دخول العضو الذكرى اخر جزء بيلمسه هو العنق وعشان
كده ممكن تحسى بنفسك لو فى اى التهابات او اصابه بالعنق
***********************
ايه معنى القرحه بصفه عامه؟
كلمة قرحه فى اى جزء فى الجسم معناها ان سطح
الجزء ده مصاب كانه مجروح وسهل انه يسبب الالم
وسهل ينزف لما نلمسه,نفس الكلام بينطبق على
قرحة عنق الرحم
*****************************
ايه اسباب القرحه؟
لها اكتر من سبب
1 قرحة اثناء الحمل ودى بسبب الهرمونات
2 عند السيدات اللى بيستعملوا حبوب منع الحمل
المركبه او الحقنه الشهريه لمنع الحمل لفتره طويله
3 قرحه بعد الولاده خاصة لو طبيعى لاحتمال اصابة العنق
اثناء الولاده
4 احتكاك اى جسم غريب بالعنق زى خيط اللولب او اللولب
نفسه او احيانا اى لبوس مهبلى لو دفعتيه جامد
(ال4 اسباب دول كلهم مش محتاجين علاج لان بمجرد
ان السبب ينتهى هتزول القرحه)
نيجى للسبب اللى يهمنا واللى ورا معظم الحالات
(نتيجه لالصابة العنق بالتهابات وما اهتمناش بيها وبسبب
الاهمال اتحول لقرحه)
يعنى كانه اصبح من التهاب حاد فى العنق لالتهاب مزمن
****************************
وعشان كده لازم نعرف كل حاجه عن التهابات العنق دى؟
اذاى تعرفى ان عندك التهابات عنق؟
1 اول حاجه تلاحظى نزول افرازات من المهبل غالبا بتكون
بيضاء وسائله وممكن تبقى اى لون تانى غير الطبيعى
2 الام اثناء الجماع وخصوصا لحظة الدخول
3 ممكن تلاحظى ارتفاع درجة حرارتك
4 تشمى رائحه غير مقبوله خصوصا اثنا الجماع
5 الام فى اسفل الظهر
كده عرفنا اعراض الالتهابات ولما تلاحظيها يبقى ما تهمليش
وتخدى علاج بسرعه عشان الاصابه ما تذيدش
طيب لو خلاص عدينا المرحله دى ودخلنا فى قرحه هنعرف اذاى؟
القرحه اعراضها بالظبط زى الالتهابات ماعدا انها
مش معاها ارتفاع فى درجة الحراره
وذياده عليها (نزول نقط دم بعد الجماع مباشرة)
فى الحاله دى لازم تروحى لدكتوره تفحصك لان كل
ما تروحى بدرى يبقى سهل العلاج
*******************************
ايه هو علاج القرحه؟
فى الاول بنعمل حاجه اسمها كى كيميائى يعنى باستخدام
لبوس فيه ما ده بتقوم هى بكى المنطقه المصابه دى
وطبعا تاثير الطريقه دى ما ينفعش الا فى الحالات اللى القرحه
فيها صغيره ومش عميقه
مع مضادات حيويه ولبوس مضاد للالتهابات
*لو ما حصلش استجابه بنلجا للكى وده له اكتر من نوع
1 الكى بالحراره:
وده الاكثر استخدام بين الاطباء
2 الكى بالتجميد:
ممتاز بس مشكلته ان الجهاز غالى ومش سهل نلاقى اطباء
كتير بيستخدموه
3 الكى بالليزر
وده الجهاز غالى جدا وتقريبا مش متواجد الا فى مراكز متخصصه
فبنلاقى ان فى الاخر العلاج الاساسى لها الكى
سواء باللبوس او الطرق الاخرى
