السلام عليكم
رايت موضوعات كثيرة فى هذا القسم تحتوى على معلومات مغلوطة
والجهل بها يكلفكم اموال ياخذونها منكم بدون وجه حق
واليكم بعض المعلومات الصحيحة
فى بعض اعلانات تأجير الشقق يذكر الطرف الؤجر ان الشقة ايجار قانون قديم لمدة 59 سنة
ومقابل ذلك يطلبون مبلغ كبير على انة مقدم الايجار
وانا بقول لكم ان هذة المعلومة خاطئة
وان الايجار المحدد المدة واقصاها 59 ستة
هو قانون الايجارات الجديد وليس القديم
ولا يستحق هذة المبالغ الكبيرة المبالغ فيها
واذا اردتم ان تبينوا انكم ناس فاهمة وواعية
وكانت الشقة المراد تاجيرها
فى عقار انشئ قبل عام 1996
فاشترطوا على المالك ان يحرر لكم العقد بتاريخ قبل
31/1/1996
وهو تاريخ بداية العمل بالقانون الجديد
فاذا وافق فهى تستاهل المبلغ فلكم حقوق هائلة وكانها تمليك وتورث
اما غير ذلك فخسارتكم كبيرة جدا ولا تستحق المبالغ التى اراها هنا
----------------------
اكذلك ارى بعض الموضوعات التى تصاغ فى شكل موضوع انشا
وعبارة عن حدوتة وكلام لا يعنى المشترى فى شئ
زى وش السعد ومكنتش فرط فيها ابدا .... ..والجيران ومش الجيران
وكلام كتير يخص صاحبة الاعلان
وطبعا الشخصيات دى كلامها كتير اوى
وكل هدفها هو البيع لاعلى سعر ودايما بيكون مبالغ فية
---------------------------
ثالثا تلاقوا اللى عملالها مميزات لوحدها خاصة بيها وهى اصلا متعارف عليها انها عيوب مش مميزات
زى الدور الاخير تلاقوا المكتوب ان مفيش حد فوقك علشان ميقرفقيش
وكمان تستغلى الروف والهوا اية وكمان الشمس هتدخلك طول اليوم
وصحية وكلام كتير
بس فى الحقيقة سعر الدور الاخير والدور الارضى بيكون اقل من الادوار الاخرى
-----------------------------
كمان بشوف اعلان لشقة داخلية
وبيقولوا لكم انها بعيد عن الدوشة وهدوء وكلام كتير اوى على انه مميزات
بس فى الحقيقة الشقق الداخلية خسارة فيها الفلوس
وكاستثمار دايما بتخسر
------------------------------
كمان شفت كتير اوى اعلانات هنا عن شقق اسعارها مبالغ فيها جدا
بالنسبة للمنطقة الواقع بها العقار
-----------------------------
كمان كلمة سوبر لوكس دى اللى فقدت معناها وبقت تطلق على شقق من صورها باين انها تشطيب زيرو لوكس
طبعا كل انسان حر يقول اللى هو عاوزة
------------------------------------
فية ناس كتير بتعلن عن شقق وبتنسبها لاماكن تانية والاماكن دى عبارة عن اسماء وهمية
زى النخيل 2 ودى اسنها الزراعيين
وزى النزهة 2
مفيش حاجة اصلا اسنها النزهة 2
و غيرها من الاماكن
------------------------
وفى النهاية بقول ان فية برضة ناس هنا بتعرض شقق باسعار مناسبة ودول تلاقوا كلامهم قليل جدا
وسعرهم معلن وصورهم جاهزة وعندهم ثقة فى النفس وفى شققهم والسعر المعلن
ودول ربنا يباركلهم
-------------------------
برضة علشان اعطى لكل واحدة حقها
متخافوش الناس اللى بتبالغ وبتعمل البحر طحينة
ربنا بيسلط عليهم ناس هنا من الاعضاء
بيطلعوا على دماغهم البلا وبيزهقوهم فى عيشتهم وبيضيعوا لهم وقتهم وهما
اصلا معهمش فلوس
-------------
فخلوا بالكم من فلوسكم واهم شئ فى الشراء هو الاطلاع على ترخيص العقار
واخذ صورة منة مع العقد
والتاكد من ان الترخيص مطابق لعدد الادوار المبنية فعليا
ومع التذكير ان الشقة المشتراة فى عقار غير مرخص
فهى لا تساوى شئ كاستثمار
وفقنا الله واياكم
منقول
