في تتبيلتها للبتنجان المخلل، وعلشان طعمه يطلع كمان أحلى، سيبيه يوم في التلاجة.
المكونات: (نص كيلو بتنجان إسود طويل - 4 جزرات - 3 فلفل رومي - 10 فصوص توم - 2 فلفل أخضر حراق - 2 ليمون - نص كوباية خل - ربع كوباية زيت - معلقتين كبار ملح - معلقتين صغيرين فلفل إسود)
الطريقة:
1- إسلقي البتنجان في مية مغلية مع شوية خل وبعدين شيليه من على النار بعد ما يستوي وأول ما يبرد إفتحيه بالطول بالسكينة.
2- إبشري الجزر وقطعي الفلفل مربعات صغيرة وبعدين إفرمي التوم.
3- إخلطي كل المكونات وإعصري عليهم الليمون وإخلطيهم كويس.
4- إحشي البتنجان البارد بالخليط وشيليه في التلاجة وإعصري عليه ليمون قبل ما تقدميه.